Дүниежүзілік ЖИТС қарсы күрес күніне орайластырылған онкүндік

2023 жылғы 21 қарашадан 1 желтоқсанға дейін республика өңірлерінде Дүниежүзілік ЖИТС — пен күрес күніне орайластырылған «көшбасшылық-қауымдастықтарға»ұранымен онкүндік өткізіледі.

Адамның иммун тапшылығы вирусы (АИТВ) — ағзаның иммундық жүйесіне әсер ететін инфекция. АИТВ-инфекциясының ең соңғы кезеңі-жүре пайда болған иммун тапшылығы синдромы (ЖИТС). АИТВ ақ қан жасушаларына әсер етеді, бұл иммундық жүйенің әлсіреуіне әкеледі. Бұл туберкулез, жұқпалы аурулар және онкологиялық аурулардың кейбір түрлері сияқты аурулардың даму ықтималдығын арттырады.

АИТВ жұғуы мүмкін:

— жыныстық жолмен;

— қан арқылы, стерильді емес пышақтау және кесу құралдарын қолданғанда, бұл әдетте тамырларға есірткі енгізгенде болады;

— жүктілік, босану және емшек сүтімен емізу кезінде анадан балаға.

Онкүндік кезеңінде өткізілетін іс-шаралар АИТВ-инфекциясының пайда болуы, алдын алу және емдеу, қоғамдағы науқастардың стигмасы мен кемсітушілігін жою мәселелерінде халықтың хабардар болу деңгейін арттырумен қатар, халықты өздерінің АИТВ мәртебесін анықтау арқылы науқанды қолдауға шақырады.

АИТВ-статусын білу — жұқтырмағандарға осы мәртебені сақтап қалуға және АИТВ-мен ауыратын адамдарға профилактика, күтім және қолдау қызметтеріне қол жеткізуге, одан әрі берілудің алдын алуға, инфекцияның алдын алу бағдарламаларына қол жеткізуге мүмкіндік беретін қажетті фактор. АИТВ-ға тестілеу және кеңес беру пациенттердің алдын алудың, күтімнің, емдеудің және қолдаудың маңызды шарасы болып табылады.

Барлық сұрақтар бойынша Өскемен қаласы, Буров көшесі 21/1 мекенжайында орналасқан ЖИТС-тің алдын алу және оған қарсы күрес орталығына хабарласуға болады.