Орталық туралы

Шығыс Қазақстан облысы әкімдігінің Денсаулық сақтау басқармасы «Ана мен бала орталығы» шаруашылық жүргізу құқығындағы коммуналдық мемлекеттік кәсіпорны.

2007 жылдың қазаны ШҚО Әкімінің Қаулысымен Ана мен бала орталығы құрылды. Орталықтың құрамына Консультативтік балалар емханасымен (КБЕ) бірге облыстық балалар ауруханасы және клиникалық-диагностикалық бөлімшемен (КДБ) бірге перинаталдық орталық кірді. Директор болып Рахимова Рая Жанғалиқызы тағайындалды.

2009 жылы ғимараттың апаттық жағдайына және жаңа туған нәрестелер арасында іріңді-септикалық инфекцияның (ГСИ) бірнеше рет өршуіне байланысты қалалық соттың шешімімен Жедел медициналық көмек ауруханасының (БСМП) перзентхана бөлімшесі уақытша жабылды. ШҚО ДББ бұйрығы бойынша ғимарат штатымен бірге Ана мен бала орталығына берілді.

2013 жылы облыстық әкімдік пен ШҚО ДБ шешімімен Потанина, 8 көшесінде орналасқан қалалық балалар стационарының және Серікбаев, 1/3 көшесінде орналасқан балалар инфекциялық бөлімшесінің ғимараттары штатымен бірге Ана мен бала орталығына берілді.

2014 жылы ШҚО ДБ бұйрығы бойынша Жібек маталар комбинаты (ЖМК), Жыланды, Куленовка, Улбі ауылдарының (9200 тіркелген бала) Шығыс Қазақстан облысының балалар тұрғындары тіркелген учаскелік педиатрлық қызмет (УПҚ) штатымен бірге Ана мен бала орталығына берілді.

2016 жылдың 18 шілдесінен 2017 жылдың 3 шілдесіне дейін Ортылықты Попов Сергей Александрович басқарды.

2017 жылдың 4 шілдесінен бастап «Ана мен бала орталығының» ШЖҚ КМК директоры болып Омарбеков Ермек Сембайұлы тағайындалды, 16.11.1968 жылы туған. 1993 жылы Семей мемлекеттік медициналық институтын бітірді. Өзінің еңбек жолын 1993 жылы Үлкен Нарын ауданының педиатр дәрігері ретінде бастады, 1999 жылы Катон-Қарағай аудандық №1 ауруханасының бас дәрігері болып тағайындалды. 2010 жылдан бастап Өскемен қаласы бойынша ШҚО ДБ бөлімшесінің басшысы, 2014 жылдан «Өскемен қаласының №4 қалалық ауруханасының» ШЖҚ КМК бас дәрігері ретінде қызмет етті.

2001 жылы ҚР Тәуелсіздігінің 10 жылдығы құрметіне медалімен; 2016 жылы ҚР Тәуелсіздігінің 25 жылдығы құрметіне медалімен; 2005 жылы «Денсаулық сақтау саласының үздігі» төс белгісімен марапатталды.

Қалалық мәслихаттың алтыншы шақырылымының депутаты болып табылады.

«Ана мен бала орталығы» ШЖҚ КМК бүгінгі күні – бұл облыстың балаларына және жүкті әйелдеріне, гинекологиялық науқастарға, жаңа туған нәрестелерге және шала туған балаларға (Семей қаласының балаларынан басқа) жоғары білікті және білікті мамандандырылған жоспарлы және шұғыл стационарлық және стационарды алмастырушы медициналық көмек, консультативтік-диагностикалық қызметтер көрсететін ШҚО-дағы медициналық-генетикалық зертханасы бар жалғыз қуатты диагностикалық емдеу кешені.

Орталық құрамына кіреді: педиатрлық блок, педиатрлық бөлімше №2, балалар инфекциялық бөлімше, акушерлік-гинекологиялық блок, перзентхана №2, консультативтік балалар емханасы (ары қарай КБЕ), консультативтік-диагностикалық бөлімше (ары қарай медициналық-генетикалық қызметі бар КДБ), учаскелік педиатрлық қызмет (ары қарай УПҚ), тәуліктік травматологиялық пункт.

Қазақстан Республикасының Перинаталдық көмекті өңірлендіру туралы ережесіне сәйкес Ана мен бала орталығы ана мен бала өлімі бойынша жоғары қауіп факторлары бар жүкті әйелдерді, босанатын және босанған әйелдерді емдейтін үшінші деңгейлік емдеу ұйымдарына (оның құрамына Өтепов, 35 көшесінде орналасқан Перинаталдық орталық кіреді), Өскемен қаласының тұрғындары болып табылатын жүктілігі және босануы күрделі емес әйелдерді емдейтін екінші деңгейлік кәсіпорындарына (Ворошилов, 149/2 көшесінде орналасқан Қалалық перзентхана) жатады.

 Жыл сайын Ана мен бала орталығында 9000-ға жуық әйел босанады, жаңа туған нәрестелердің қарқынды терапиясы мен реанимациясы бөлімшесінде 500 салмағы аз шала туған нәрестелерге күтім көрсетіледі, 10000-нан астам балаға, оның ішінде жаңа туған нәрестелер патологиясы бөлімшесінде 1200-ден астам балаға стационарлық көмек көрсетіледі, 66 000-дан астам бала КДЕ-ға жүгінеді.

Акушерлік-гинекологиялық блок бұл облыстың жүкті әйелдеріне, гинекологиялық науқастарға, оның ішінде 15 жасқа дейінгі қыз балаларға, Семей қаласының балаларынан басқа жаңа туған нәрестелерге және шала туған балаларға мамандандырылған және жоғары мамандандырылған стационарлық және стационарды алмастырушы медициналық көмек көрсетеді.

АГБ құрамына келесі бөлімшелер кіреді:

  • жеке палаталары бар босандыру блогы,
  • шұғыл және жоспарлы операцияларға арналған операциялық залдар,
  • тәуліктік қан құю қызметі,
  • күндіз жататын төсек орындары бар жүкті әйелдер патологиясы бөлімшесі,
  • қысқа уақыт жататын төсек орындары бар диагностикалық қабылдау бөлімшесі,
  • ана мен сәби бөлімшесі,
  • күндіз жататын төсек орындары бар гинекологиялық науқастарға арналған бөліміше,
  • қарқынды терапия палаталары бар жаңа туған нәрестелер патологиясы бөлімшесі,
  • жүкті және босанатын әйелдерге арналған анестезия, реанимация және қарқынды терапия бөлімшесі,
  • жаңа туған нәрестелерге арналған операциядан кейінгі палаталары бар жаңа туған нәрестелер қарқынды терапиясы бөлімшесі.

Орташа алғанда жылына 15000-нан астам әйелдерге және жаңа туған нәрестелерге (шала туған және дамуында патологиясы бар нәрестелерге) стационарда медициналық көмек, оның ішінде 9000 босандыру, облыстың 2000 әйеліне стационарды алмастырушы медициналық көмек көрсетіледі.

№2 Перзентханада перинаталдық көмекті өңірлендірудің екінші деңгейлік жүкті әйелдері мен босанатын әйелдеріне мамандандырылған стационарлық көмек көрсетіледі.

Облыстың барлық өңірлерінен түсетін күрделі патологиялары бар босанатын әйелдер, ауыр экстрагениталдық аурулары бар жүкті әйелдер, 22 апталық мерзімде ерте босанған әйелдер, күрделі даму патологиялары және аурулары бар барлық шала туған және уақытында туған нәрестелер Ана мен бала орталығына жатқызылады.

 2014 жылы жөндеуден кейін жеке босану палаталары халықаралық стандарттар талаптарына, жаңа туған нәрестелерге күтім жасау палаталары «Ана қауіпсіздігі» қағидаттарына жауап береді, заманауи тыныс алу аппараттарымен жабдықталған.

Босанулар мен партограммдар мониторингі жүргізіледі, әйелдерге босануды өздігінен реттеу құқығы беріледі, ана мен сәбидің ерте байланыс орнатуы, жарты сағат барысында нәрестені алғаш рет омырауға салу енгізілген.

 2014 жылдан бастап жаңа туған нәрестелерге күтім жасау, жаңа туған нәрестелерге және босанатын әйелдерге уақытында реанимациялық көмек көрсету үшін үш газ жүйесін: оттегі, сығылған ауа, ваккумды сатылап енгізе бастады.

2014 жылы операция жасау және босандыру бөлімшелерінде ағымдағы жөндеуден кейін консольдары бар 3 газ жүйесі орнатылды.

Жаңа туған нәрестелер мен аналар үшін бірге жатуға, омыраумен емізуге қажетті жағдайлар жасалған: босанған әйелдер үшін омыраумен емізуге арналған қолайлы орындықтар, емізуге жайлы болатын «дөңгелектер», аяқ астына салатын тіреуіштер орнатылған. Жеке босану палаталарында серіктес босану кеңінен насихатталады. Шұғыл науқастар үшін акушерлік, неонатологиялық, ургенттік көмек стандартты жолға қойылды.

 Дүниежүзілік денсаулық сақтау ұйымы ұсынған тиімді заманауи перинаталдық технологиялар, критерийлер енгізілді.

Гинекологиялық науқастарға мамандандырылған стационарлық және стационарды алмастырушы көмек ғана емес, сонымен қатар жоғары мамандандырылған көмек көрсетіледі.

Диагностикалық қабылдау бөлімшесінде қысқа уақыт жататын төсек орындары орнатылған, ол жерде ауруханаға жатқызу талап етілмейтін, бірақ бақылау және тексерудің белгілі түрлері және кеңес беру диагностикалық көмекті қажет ететін жүкті әйелдерге білікті көмек көрсетіледі.

2015 жылы ғимарат ішінде бөлімшелердің орын ауыстыруына байланысты жүкті әйелдер патологиясы бөлімшесінен күндіз жататын төсек орындары диагностикалық қабылдау бөлімшесіне берілді, ол жерде сұрыптаудан кейін жүкті әйелдер тиісті төсек орындарына жатқызылады.

Кеңес беру-диагностикалық бөлімшеде (ҚДБ) облыстың барлық өңірлерінен жолданған жоғары қауіп тобындағы жүкті әйелдерге кеңес беріледі, абсолютті қарсы көрсетілімдері бар қауіпті топтағы жүкті әйелдерге мониторинг жүргізіледі. Өскемен қаласы және облыс аудандары ОДА, стационарлары мен емханалары мамандарымен бірлесіп жұмыс жүргізіледі.

ҚДБ-да жатыр мойны патологиясы; жоғары қауіп тобындағы жүкті әйелдер; отбасын жоспарлау; балалар гинекологының қабылдау; УДЗ диагностика кабинеттері қызмет етеді.

Жыл сайн бөлімшеге 18 000-нан астам әйелдер және қыз балалар қабылданады, емшаралар жасалады (кальпоскопия, ДЭК, ВМС енгізу және т.б.), болашақ ана мектебінен өткізіледі.

ҚДБ құрамына медициналық-генетикалық қызмет кіреді. Осы жерде жаңа туған нәрестелер мен балалардың туа біткен және тұқым қуалайтын аурулары тіркелген, әйелдер жүктілігін бақылау үшін УДЗ дәрігерлерімен бірлесіп, құрсақтағы нәрестенің туа біткен даму ақауларын ерте мерзімде анықтау диагностикасы жүргізіледі. Тұқымның туа біткен даму ақаулары түріне байланысты жүктілікті уақытында тоқтату үшін мамандар консилиумы өткізіледі.

 Цитогенетикалық зерттеу (кариотипирлеу), пренаталды скрининг және диагностика жүргізіледі.

Пренаталды скринингтен жыл сайын жаңа туған нәрестелерге 13 000-ға жуық зерттеулер жүргізіледі.

Медициналық-генетикалық зертхана заманауи құрал-жабдықпен жабдықталған, сапалы медициналық көмек көрсету үшін жағдай жасалған, инвазиялық пренаталдық диагностика енгізілген.

 Педиатрлық блокта бүкіл облыстың, оның ішінде бұрынғы Семей ядролық полигоны аймағында тұратын балаларға медициналық мамандандырылған және жоғары мамандандырылған стационарлық және стационарды алмастырушы көмек көрсетіледі.

 Қабылдау-диагностикалық бөлімшеде жоспарлы және шұғыл науқастарды ауруханаға жатқызып қана қоймайды, сонымен қатар «осында және қазір» қағидаты бойынша ауруханаға жатқызуды қажет етпейтін ауруларға қысқа мерзім жататын төсек орындарында медициналық кеңес беру-диагностикалық көмек көрсетіледі.

Травматологиялық пункт тәулік бойы қызмет етеді, ол жерде балаларға күндіз-түні амбулаториялық көмек көрсетіледі.

Кеңес беру емханасы ғимаратында балалар мамандары 21 бейін бойынша қабылдау жүргізеді: травматолог-ортопед, бет-жақ сүйегі хирургы, хирург, уролог, нейрохирург, отоларинголог, нефролог, пульмонолог, аллерголог, эндокринолог, гематолог, гастроэнтеролог, педиатр, генетик, невролог, офтальмолог, сурдолог, кардиолог, ревматолог, онколог, логопед, психолог, сонымен қатар зертханалық –функционалдық зерттеулер жүргізіледі.

 Балалар амбулаторлық офтальмологиялық орталығы қызмет етеді, оның құрамында көз жанарын қорғау кабинеті жұмыс істейді, бұл жерде амбулаторлық деңгейде балалар мектеп сабағынан қол үзбей, миопия, аккомодация спазмысы, амблиопия сияқты патология бойынша аппарат негізінде емделеді. Емдеу диагностикалық мақсатпен жүргізіледі, егер бірінші сатыда емдеудің тиімділігі болмаса, балалар станционарға ауыстырылып, көлемді емдеу алады. Амбулаторлық жағдайда лазеротерапия кеңінен қолданыла бастады. Дәрігердің тағайындауы бойынша балалар офтальмосканерлеуден, көзді ЭФИ және ФД зерттеуден өткізеді. Орташа алғанда жылына 3600-нан астам бала тексеріледі және емделеді.

Шала туған нәрестелердің ретинопатиясын (ары қарай – ШР) уақытында анықтау және оларға сапалы мамандандырылған көмек көрсету мақсатымен тірі бала туу қағидаттары халықаралық стандарттарын енгізуге байланысты 2012 жылдан бастап ШР даму қауіпі бар балалар үшін офтальмолог-неонатолог дәрігері қабылдау жүргізеді.

 2013 жылдан Ана мен бала орталығы ҚР бойынша «Шала туған нәрестелерге скрининг жасау және емдеу» клиникалық басшылығын енгізу бойынша пилоттық медициналық ұйым болып табылады.

2013 жылы дамуында ақаулары бар балалар үшін скрининг және мониторинг жүргізуге арналған бинокулярлық маңдай алды офтальмоскоп жабдығы сатып алынды, 2014 жылы «Құс жолы қайырымдылық қоры» тегін түрде офтальмологиялық лазер жабдығын берді, бұл жабдықтың көмегімен көз микрохирургиясы бөлімшесінің офтальмолог дәрігерлері ШР қауіпі бар балалар көзінің ішкі тор қабығына лазеркоагуляция жасайды. Мұндай операция жоғары мамандандырылған көмек түріне жатады.

Облыстық сурдологиялық қызметі жұмыс жүргізеді. Есту және сөйлеуінде ақаулары бар балалар үшін сурдолог ғана емес, логопед те сабақ жүргізеді. Орташа алғанда жылына 1100 науқас бала сурдолог дәрігері емдеуінен өтеді, олардың 70 %-на амбулаториялық жағдайда тоналды аудиометрия, ОАЭ, АССР, КСВП, импедансометрия, тимпанометрия сияқты зерттеулер жасалады.

Стационарда сурдолог дәрігер жаңа туған балаларға скрининг жүргізеді - отоакустикалық эмиссияны тіркейді. 2014 жылы 2600 жаңа туған нәрестеге скрининг жүргізілді.

Травматолог-ортопед дәрігерлерінің екі кабинетінде тірек-қимыл аппаратында патологиялары бар науқастарды ауруханаға жатқызу жүзеге асырылады. Науқастың мәліметтері компьютерлік қорға енгізіліп, картотека жүргізіледі. Балалар травматологиясы мен ортопедиясы дамыған сайын тұрғындардың барлық қабаты үшін, әсіресе алыс аудандарда тұратын тұрғындар үшін қолжетімді бола түсті.

 Бюджет қаржысын оңтайландыру және тиісті пайдалану мақсатымен 2012 жылы Балалар амбулаторлық хирургиясы орталығы ашылды, бұл жерде мамандар (хирург, нейрохирург, офтальмолог, травматолог-ортопед және оториноларинголог) анестезиолог дәрігермен бірлесіп, наркоз жасап, заманауи тиімді технологияларды қолдана отырып, амбулаториялық операциялар жасайды.

Жыл сайын облыс бойынша эндокринолог дәрігерінде емделетін эндокринологиялық ауруларға, жеке алғанда қант диабетіне шалдыққан науқастар санының өсуі байқалады. ҚР ДМ-нің «5 жастан 15 жасқа дейінгі балалардың 1 типтегі қант диабетін емдеуге инсулиннің үздіксіз теріасты инфузиясының жүйесін пайдалану жөніндегі жобаны енгізу туралы» 3.11.11 жылғы № 783 бұйрығы негізінде кеңес беру емханасында «Помпалық мектеп» ашылды. Диабеттің помпалық терапиясы науқас балалардың көмірсу айналымын жақсартуға көмектеседі және мүгедек болуына жол бермейді. Бұл мектеп науқас балалар мен оның ата-аналарын оқыту, оларға қандағы глюкозаға үздіксіз мониторинг жүргізуге сенсорлар орнату және помпадан есеп алу арқылы терапияға бақылау жасау үшін ұйымдастырылды.

Ана мен бала орталығында қажетті жабдықпен (компьютер, телевизор, DVD, оқу помпалары, қуыршақтар, жазу тақтасы, көрнекі ақпарат және т.б.) жабдықталған помпалық мектепке арналған кабинет қызмет етеді.

Облыстың қант диабетімен және бронх демікпесімен ауыратын балалары үшін Ана мен бала орталығы жанында «Диабет мектебі», «Бронх демікпесі мектебі» құрылды, ол жерде балалар мен олардың ата-аналары ақпараттық, оңалту және т.б. көмек алады. Дәрігерлер бұл мектептерде қоғамдық бастамаларда жұмыс жүргізеді.

Орталықта барлық штаттан тыс балалар бас мамандары жұмыс атқарады, олар патология бейіндері бойынша диспансерлік науқас балаларды мониторлеу мақсатымен тіркеу жүргізеді.

Емхана жанында 6 төсек орынды құрайтын күндізгі стационар жұмыс істейді, онда жыл сайын 200-ден астам бала емделеді.

 Кеңес беру емханасы ғимаратында Учаскелік педиатрлық қызмет жұмыс істейді, ол жерде 10000-нан астам тұрғын тіркеліп, 12 учаске қызмет атқарады. Әрбір учаскеде педиатр дәрігер мен екі медбике қабылдау жүргізеді. Профилактика және әлеуметтік-психологиялық көмек бөлімшесі қызмет етеді, ол жерде әлеуметтік жұмысшы, психолог және дені сау бала кабинетінің медбикесі көмек көрсетеді.

Сонымен қатар 2015 жылдан Учаскелік педиатрлық қызмет жанында Ұйымдастырылған балаларға қызмет көрсету бөлімшесі жұмыс істейді, ол жерде педиатр дәрігерлер Жібек маталар комбинаты ауданының балабақшалары, шағын орталықтары және мектептері балаларына вакцина егу алдында кеңес береді және белгіленген тәртіпте ұйымдастырылған балаларға профилактикалық тексеру жүргізеді.

Орталықта зертханалық жұмысты ары қарай дамыту бойынша көп жұмыс жүргізілуде. Диагностика сапасын жақсарту мақсатымен гематологиялық және биохимиялық, иммуноферментті анализаторлар сияқты ең заманауи диагностикалық жабдықтар сатып алынды, бұл жабдықтар арқылы бір уақытта 15 зертханалық әдістемелер жүргізіледі. Тұқым қуалау, туа біткен аллергиялық аурулардың диагностикасы үшін тиімді зертханалық зерттеу әдістері енгізілді.

Зертханалық қызмет құрамына бактериологиялық зертхана кіреді, онда орташа алғанда жылына 80 мыңға дейін зерттеу жүргізіледі. «Мультискан» микробиологиялық анализатор сияқты заманауи жабдық қолданылады, оның көмегімен бактериялар ұқсастығы, антибиотикке сезімталдық, биоматериалдардағы бактериурия дәрежесі анықталады. Иммуноферментті анализатор және ПЦР көмегімен жатырішілік инфекциялар, гепатитеттер мен басқа аурулар, сонымен қатар гормондардың кең спектрі мен анемияның диагностикасы жүргізіледі. Иммунды дәрежені, HLA типирлеуді анықтау үшін цитофлуориметр кеңінен қолданылады.

«Ана мен бала орталығы» ШЖҚ КМК директорның 31.03.2009 жылғы № 98 бұйрығы негізінде «Медициналық көмек сапасын басқару қызметі» құрылды, оның негізгі мақсаты Ана мен бала орталығында медициналық көмек сапасын жақсарту және емдеу үрдісіне бақылау жүргізу болып табылады.

Қызметтің негізгі міндеті – пациенттердің медициналық көмекті толық көлемде алу құқықтарын және қауіпсіздігін қамтамасыз ету.

Осы мақсатпен Ана мен бала орталығында пациенттерге медициналық көмек көрсетудегі кемшіліктердің алдын алу және жою бойынша ауруханаішілік комиссиялар құрылды, ай сайын барлық клиникалық бөлімшелерде медициналық көмек сапасына ішкі сараптама жүргізіледі. Орталықтың барлық бөлімшелерінде пациенттердің хаттары мен өтініштеріне арналған 14 жәшік орнатылды. Аптасына 1 рет барлық хаттарға талдау жүргізіліп, басқарушылық шешім қабылданады. Пациенттердің құқықтарын сақтауды анықтау үшін және медициналық көмектің сапасын көрсететін әдіс – ол сауалнама жүргізу болып табылады. Әртүрлі бағыт бойынша сауалнаманың 20 түрі құрылды және бекітілді. Сауалнама алу үрдісі қызметкерлер, пациенттер мен олардың туыстары арасында бекітілген кесте бойынша жүргізіледі. Барлық ескертулер таңертеңгі дәрігерлер конференцияларында бөлімшелер меңгерушілеріне айтылады. Сол жерде талқылау жүргізіліп, басқарушылық шешімдер қабылданады.

 Стационарда науқас балалар емделген кезде қолайлы микроклимат және мейірімді көзқарас туындату мақсатында штатқа клоун-тәрбиешілер енгізіліп, ойнау бұрыштары ұйымдастырылды және балалар суреттері мен қолдан жасаған бұйымдары көрмесі өткізіледі.

Ана мен бала орталығында мамандардың теориялық дайындығы мен біліктілігін арттыруына көп көңіл бөлінеді. Дәрігерлер мен орта медицина қызметкерлері Республиканың, Ресей, Израиль, Балтық жағалауында жоғары оқу орындары мен клиникаларында оқудан өтеді, халықаралық форумдарға, съездерге және дәрігерлік конференцияларға қатысады. Ана мен бала орталығы қызметкерлері медициналық қызмет сапасын арттыруға және әйелдердің бала табуға мүмкіндік беретін денсаулығын қорғауға, ана мен бала және нәрестелер аурулары мен өлімін азайтуға бағытталған ДДҰ, ЮНИСЕФ бағдарламалары бойынша іс-шаралар әзірлейді және апробациялайды.

Ана мен бала орталығында медицина қызметкерлерін үздіксіз кәсіби дамыту жөніндегі Оқу орталығы құрылды, оның ішінде ана қауіпсіздігі, омыраумен емізу және тиімді перинаталдық технологиялар (ТПТ) бойынша оқытуға арналған оқу кабинеттері, акушерлік және педиатрлық блоктардағы балалық шақ жасындағы ауруларды кіріктірілген емдеу (БЖАКЕ) кабинеті біріктірілген. Бүгінгі күні тиімді перинаталдық технологиялар (ЭПУ) бойынша қызметкерлер үшін үнемі каскадты әдіспен сабақтар мен тренингілер жүргізіледі. Сабақ бекітілген кесте бойынша өткізіледі.

Ресурстық орталық жұмыс істейді, ол жерде ғаламтор, балалық шақ жасындағы ауруларды кіріктірілген емдеу (БЖАКЕ) бойынша электрондық кітапхана бар.

Ана мен бала орталығында жас мамандарды жұмысқа қабылдау бойынша үнемі жұмыс жүргізіледі, жұмысқа қабылдағаннан кейін олар бірден бастапқы мамандандыруға жолданады. Жас мамандарға арналған қызметтік пәтерлер мен бөлмелер бар.

 Сонымен қатар Ана мен бала орталығында Жастар қауымдастығы құрылды, оның негізгі міндеті ары қарай тиімді ынтамақстастық жүргізу мақсатымен жастардың басты көкейкесті мәселелерін шешу, жаңа жағдайға бейімделу жағдайын жеңілдету болып табылады.

Дене сымбатын, салауатты өмір салтын ұстану үшін 2013 жылдан спортпен шұғылдануға қажетті жабдықпен жабдықталған қызметкерлерге арналған спорт залы қызмет етеді.

 2015 жылы жұмысқа деген қабілетті қалпына келтіру үшін босану бөлімшесінің акушер-гинекологтары мен акушерлеріне арналған массаждық кресло сатып алынды.

Ана мен бала орталығы медициналық қызметі Қазақстан Республикасы денсаулық сақтау саласындағы аккредиттеу стандарттарына жауап береді.

Медицина ұйымдарын аккредиттеу нәтижелері бойынша аккридеттеу мәртебесі берілді және 30.11.2015 жылы «жоғары санат беріліп, 3 жыл мерзімге аккредиттелген деп танылды».

ЮНИСЕФ БҰҰ қорының қолдауымен ISO 9001:2008 халықаралық стандартына сәйкес сапа менеджементі жүйесі енгізілді және 2015 жылы акушерлік блогқа халықаралық сапа менеджменті сертификаты берілді.

Ана мен бала орталығы 2011-2016 жж. қорытындылары бойынша Ұлттық Бизнес-Рейтингісі жүргізген жалпы мемлекеттік статистикалық ранжирлеу нәтижелері бойынша Қазақстан Республикасының кәсіпорындары-көшбасшылары арасында жүлделі орындар бойынша «Активтер мен міндеттемелер бойынша көрсеткіштер», «Табыстылық көрсеткіштері», «Өтімділік көрсеткіштері» сияқты үш номинация бойынша РЕЙТИНГ АЛТЫНЫНА үш мәрте кірді және марапаттауларға ие болды.

 ШҚО әкімдігі ДС Ана мен бала орталығы Қоғамдастық Кеңесінің сараптамалық бағалауының нәтижелері бойынша «2015 жылғы Шығыс Қазақстан облысының үздік медициналық ұйымы» ретінде марапатталды.